其實係好似過往每年末都會跑一次走馬燈所以先寫回顧，加上見到人地總結嘅2016（我真係唔鍾意叫年份做2k16，你玩咩）好似搞到人生好有意義咁樣，所以我都應該整理一下究竟我經歷左啲咩
第二次喺離別之前個camp喊到收唔到聲，終於將幼稚嘅對頭遊戲矯情咁樣完左佢，第一次感受差唔多三十個女仔一齊抱團喊係有幾電影公式，第一次接觸除左自己班嘅人，大進步，所以我係認同呢個camp嘅
第一次行上hall個台表演，第一次將放低左嘅野自己執返起
第一次鍾意自己好朋友，第一次自己孭單戀嘅痛，有半年所有頹嘅唔開心嘅，基本上所有情緒上落都因為一個人
第一次亦都大概係最後一次做媒人，睇黎調整心態會係好耐嘅事
第一次感受到其實自己比咁大班朋友包圍保護，到上左高中終於開朗左終於唔洗俾人話自閉，終於可以識到新朋友，最後衰埋試埋一見鍾情呢家野，耶開始用sc
最幸運嘅事係遇到彈，由mmm開始帶返我入韓風嘅坑知多好多野，因為咁樣我好似得到精神食糧雖然人追星我追星我真係追到荒廢學業咁濟明明偶像自己都話唔想我地讀唔好書，其實真係唔知係好事定係壞事 就係呢年開始覺得自己討厭自己需要靠照鏡自戀黎當同自己溝通嘅方法 會覺得自己唔似自己點解一句話講完之後會咁陌生 而家已經唔識寫野唔識作故事 夢想變左或者係從揀科決定好嗰日就脫左以前嘅我嘅軌道 或者係我理解到我唔係藝術類嘅人嘅一年 放低左隻筆 唔鍾意社交嘅我依然係唔鍾意 學校嘅場面關係同多左好多之前冇諗過會交流嘅人而家變左經常見到嘅同學 避得嘅我儘量避 但終於開始意識到後來出到黎做野唔識啲人完全唔得 踏入十五歲覺得一下就大個左好多 見到人地嘅十五歲同自己嘅依然好大分別 化曬妝出門口人脈廣生活多彩有野可以寄託 但係就算我幾想pick up去改變最終都會係追唔上嘅 大概就係我明白到嘅事掛 上半年係幸福嘅 對比起下半年嘅各種捱唔到夜兼因為冬天唔舒服得死去活來 下半年覺得所有野都返唔返轉頭
除左想脫單 想著衫好睇啲之外 2017嘅願望應該係愛自己多啲再多啲 最希望嘅係我可以滿足於自己嘅生活 唔好後悔自己嘅選擇. knj嘅禮物真心多謝你我作為米收到喇如果可以嘅話我希望可以分擔一啲我愛嘅人嘅煩惱 你同佢地都係 一齊要豐收之餘要開心
衷心盼望唔係個個都睇得明 我寫錯啲咩唔好見怪話曬都係我自己嘅地方額哈